Մեր մասին

Ամենախոշոր Կառուցապատողը Հայաստանում

«Դեֆանս Հաուզինգ Ինվեստ» ՓԲ ընկերության կողմից Հյուսիս-հարավ մայրուղու անմիջական հարևանությամբ ստեղծվում է 21-րդ դարի պահանջներին համապատասխանող, կենսապահովման լավագույն ցուցանիշներով Դեֆանս Հաուզինգ բազմաֆունկցիոնալ թաղամասը։   

140 հա տարածքով թաղամասում պրեմիում դասի բնակելի շենքերի կառուցապատման մակերեսն ընդամենը 25% է։

Շինարարության առաջին իսկ օրվանից թաղամասում հիմնվում են շուրջ 40 հա մակերեսով կենտրոնական անտառ-պուրակը՝ Իտալիայից բերված ծառատեսակներով, ինչպես նաև թվով 5 շատրվանային կոմպլեքսներ:

Շենքերին հարակից տարածքներում և միջբակային հատվածներում ևս կլինեն մոտ 25 հա մակերեսով կանաչապատ գոտիներ՝ ապահովելով որակյալ էկոհամակարգ:

Գոտիավորման Նախագծի Ստեղծումը

Ճարտարապետական նախագծման շրջանում Ընկերությունը գոտիավորման նախագիծը պատվիրել է «Հայնախագիծ» ընկերության 6 ճարտարապետական արվեստանոցներին։

Միաժամանակ ձևավորվել է ճարտարապետա-կոնստրուկտորական խորհուրդ՝ Հայաստանի 10 անվանի ճարտարապետների մասնակցությամբ՝ Հրաչյա Պողոսյան, Նարեկ Սարգսյան, Արթուր Մեսչյան, Ռազմիկ Մինասյան, Ալիկ Զուրաբյան եւ այլք: 

Հայաստանի ճարտարապետության զարգացման գործում մեծ ավանդ ունեցող ճարտարապետների տեսակետների համատեղմամբ է ստեղծվել «Դեֆանս Հաուզինգ» թաղամասի գոտիավորման նախագիծը՝ ուղղված քաղաքաշինական միջավայրի համաչափության պահպանությանն ու կատարելագործմանը, ինչպես նաև ճարտարապետական և լանդշաֆտային ձևավորմանը: Փորձ է արվել հաշվի առնել աշխարհում նմանատիպ կառուցապատման օրինակները՝ Փարիզ, Միլան, Մյունխեն և այլն: 6 ամիս շարունակ ծավալված նախագծային քննարկումների արդյունքում ստեղծվել է Երևանի կարիքներին, պահանջներին համապատասխանող գոտիավորման նախագիծ:

Թաղամասի Անվանակոչումը

Երևանի ավագանու որոշմամբ՝ 2022 թվականի հոկտեմբերի 18-ին Տիչինայի 320 հասցեում կառուցվող նոր թաղամասն անվանակոչվել է «Դեֆանս Հաուզինգ»՝ ստանալով իրավական կարգավիճակ, ինչը եզակի է իր նշանակությամբ եւ կարգավիճակով:

«Դեֆանս» անվանումը միտված է՝ արտահայտիչ նկարագրելու ժամանակակից քաղաքի ոճը, գործարար միջավայրի և բնակելի թաղամասի համակցումը մեկ վայրում, ինչպիսին Փարիզի «Դեֆանս» թաղամասի մոդելն է` անփոփոխ թողնելով հին քաղաքի ճարտարապետությունը, ստեղծելով ժամանակակից պահանջներին համապատասխան նոր միջավայր:

Թաղամասի Կառուցապատման Փուլերը

Առաջին փուլ

• 43 հա տարածքի վրա 66 բնակելի շենքերից բաղկացած առաջին բնակելի թաղամաս

• Դպրոց և առնվազն 2 մանկապարտեզներ

• Շուրջ 24 հա տարածքով կենտրոնական անտառ-պուրակ

Երկրորդ փուլ

• 35 հա տարածքի վրա 42 բնակելի շենքերից բաղկացած երկրորդ բնակելի թաղամաս

• Դպրոց և առնվազն 2 մանկապարտեզներ

Երրորդ փուլ

• Ավելի քան 500․000 մ² մակերեսով բիզնես կենտրոն

• Մարզահամալիր

• Առևտրի կենտրոն

• Գերժամանակակից, բազմաֆունկցիոնալ դիագնոստիկ և ուռուցքաբանության կենտրոններ

Կոմունիկացիոն Ենթակառուցվածքները

Ստեղծվում են լավագույն որակի կոմունիկացիոն ենթակառուցվածքներ։ Թաղամասն ապահովված է լինելու գազով, Ապարանի մաքուր ջրով, առանձին կոյուղատար համակարգով: Կառուցվելու է 250 մեգավատտ հզորության ենթակայան, որի դեպքում տեխնիկապես անհնար են լինելու էլեկտրաէներգիայի ընդհատումները։

Ճանապարհային Ցանցը

Թաղամասում կառուցվում են ներքին ճանապարհային ցանց և արտաքին ճանապարհային ցանցին միացող 5 հանգույցներ՝ առնվազն 15 մետր լայնությամբ: Միջթաղամասային եւ արտաքին ճանապարհային ցանցին միացող երթևեկելի ճանապարհներն ավելի քան 100․000 մ² մակերեսով են:

Շենքերի Սեյսմակայունությունը

Ընկերության համար կարևոր է շենքերի սեյսմակայունությունը։ 

Թաղամասը գտնվում է 200 մ խորությամբ բազալտե շերտի վրա, իսկ շենքերը կառուցվում են 1.4 մետրանոց երկաթբետոնյա հիմնային սալերի վրա: Գրագետ կոնստրուկտորական լուծումների շնորհիվ սեյսմակայունությունը 9 բալ եւ ավելի է:

ԴԵՖԱՆՍ ՀԱՈՒԶԻՆԳ՝  Այստեղ դու տանն ես․․․