Թաղամասի Ինժեներական Համակարգերը
Ընկերությունը բնակելի շենքերի կառուցման գործում հատուկ կարևորություն է տալիս ժամանակակից ինժեներական համակարգերին, որոնց որակյալ աշխատանքը կխնայի բնակչի ռեսուրսներն ու կբավարարի բարեկեցիկ կյանքի համար անհրաժեշտ պայմանները։
Բնակելի թաղամասի էներգաապահովման համար հիմնվելու է գերհզոր էլեկտրական ենթակայան։ Այն ապահովելու է անխափան էներգամատակարարում։ Թաղամասի բնակիչը զերծ է լինելու հոսանքի անջատման կամ տատանման խնդիրներից։
Մեծ հեռավորությունից անցկացվելու է միջին ճնշման գազատար խողովակ, որն ապահովելու է կաթսայատների անխափան աշխատանքը:
Թաղամասի բնակիչներին բացառապես մաքուր ջուր է մատակարարվելու։ Այդ նպատակով թաղամասում հատուկ ջրամբար է կառուցվելու և առանձին որակյալ խողովակով Ապարանի գլխավոր ջրատար խողովակից ջուր է հասցվելու թաղամաս։ Ջուրը լինելու է առանց անցանկալի խառնուրդների, կապ չի ունենալու քաղաքի գործող ջրագծի հետ։ Բնակչի կյանքում կբացակայեն ջրի որակի, հոսքի ու ջրախողովակների աշխատանքի հետ կապված խնդիրները։
Թաղամասի կոյուղատար համակարգն առանձին խողովակով միանալու է Երևանի գլխավոր կոյուղատար խողովակին։
Շենքերում գործելու են ջեռուցման կենտրոնացված համակարգեր (առանձին շենքերում՝ նաև հովացման համակարգեր), որոնք զգալիորեն կրճատելու են բնակչի կոմունալ ծախսերը: Յուրաքանչյուր բնակարանի համար տեղադրվելու են անհատական հաշվիչներ։
Շենքերում օդափոխությունը կարգավորվելու է անհատական սարքերի միջոցով։ Սպլիտ համակարգերի համար տրամադրվելու են տեղադրման հատուկ կետեր:
Շենքերի վերելակները ոլորտի առաջատար ընկերությունների արտադրության են լինելու և իրականացնելու են արագ ու ապահով փոխադրում։
Բնակելի շենքերի կառուցապատումը մեզ համար բնակչի արդյունավետ կեցությունն ապահովող բարեխիղճ աշխատանք է։